Etxealditik Euskaraldira iniziatibarekin bat egin du udalak
Iniziatiban parte hartzen ari direla adierazteko, bakoitzak etxeko balkoian edo leihoan koloredun puntu bat jartzeko proposatu du Euskaraldiak. Parte hartzen dutenei, beren esperientzia sare sozialetan zabaltzea ere eskatu die
Etxealditik Euskaraldira iniziatibaren kartela. Euskaraldiaren herriko batzordeko kidea den neurrian, bat egin du udalak Etxeladitik Euskaraldira iniziatibarekin. Iniziatibak etxean ditugun hizkuntza ohituren inguruko hausnarketa eta ariketa batzuk proposatu ditu. Horren barruan, gaurtik aurrera eta hilaren 30era arte hizkuntza ohiturak aldatzeko baliagarri izan daitezkeen zenbait praktika proposatuko dira, guztiak etxetik egiteko modukoak: euskaraz joalstu, euskaraz bazkaldu, euskal zinea ikusi… Egunero sareetan bideo bat zabalduko da proposamena azalduz. Maiatzaren 1ean emango zaio amaiera iniziatibari herritar guztiekin ekintza bateratu bat eginez.
Iniziatiban parte hartzen ari direla adierazteko, bakoitzak etxeko balkoian edo leihoan koloredun puntu bat jartzeko proposatu du Euskaraldiak. Parte hartzen dutenei, beren esperientzia sare sozialetan zabaltzea ere eskatu die @euskaraldia aipamena eginez eta #EtxealditikEuskaraldira gtraolarekin.
