Meipiko jaiak ere, bertan behera
Meipiko lehen jaiak, maiatzaren 15, 16 eta 17an ziren ospatzekoak.
Egoerak hobera egitean, Meipik jai propioak izango dituela ziurtatu du jai batzordeak.
Pasai Donibaneko Meipi auzoko lehen jaiak ziren ospatzekoak aurten. COVID-19ak baina, auzoko jaiak ospatzeko aukera kendu die herritarrei. Jai batzordeak jakinarazi berri duenez, 2020ko Meipiko jaiak bertan behera geratu dira, koronabirusaren eta hari lotutako alarma egoera dela eta.
Kolpe latza izan arren, ilusioari eusten diote meipitarrek, jai batzordean oso argi baitute osasun egoerak hobera egitean, Meipik bere jai propio eta herrikoiak izango dituela. Ordura arte, animoak helarazi dizkiete herritar guztiei jai batzordetik.
