Egokituta dator Bidez bide zerbitzua, landa eremuari erantzuteko
Bidez bide zerbitzua behar dutenek, 690 76 94 66 telefono zenbakira deitu behar dute erabili ahal izateko.
Bidez bide zerbitzua egokituko dute COVID-19ak eragindako egoerara. Argazkia: Herri Bizia Bidez Bide landa garraio zerbitzu publikoa egokitzea erabaki dute Behemendi Landa Garapeneko Elkarteak eta Errenteriako Udalak. Doako zerbitzua da eta landa eremua eta hirigunearen arteko ibilbideak egiten ditu. Egungo egoeraren aurrean, zerbitzua egokitu egin dute. Horrenbestez,osasun beharrei erantzuteko zerbitzua eskainiko du eta bereziki osasun zentroetara joateko ez duten pertsonei begira arituko da, sintroia, elektroak, erizaintza kontsultak dituztenen beharrak asetzeko.
Ez hori bakarrik, enkarguak etxera eramateko zerbitzua ere eskainiko du Bidez Bidek, sendagaiak, osasungintzako beharrak, elikagai erosketak edo bestelakoak eramango ditu. Hiri zerbitzuak behar baina horietara hurbiltzeko modurik ez duten pertsonek ere baliatu dezakete zerbitzua.
Bidez bide zerbitzua behar dutenek, 690 76 94 66 telefono zenbakira deitu behar dute erabili ahal izateko.
