Lur Saizar eta Ager Arrieta, 'Mundua begiratzeko leihoak' lehiaketaren irabazle
Lur Saizar eta Ager Arrieta 'Mundua begiratzeko leihoak' lehiaketaren irabazle izan dira. Argazki guztiak Piztu Lezoren webgunean ikus daitezke.
Lur Saizarrek egindako argazki irabazlea. Piztu Lezok azken asteetan Mundura begiratzeko leihoak argazki lehiaketa martxan izan du. Etxean edo etxetik ateratako argazkien lehiaketa zen.
Bada bi saridunen berri eman du Lezoko eragileak: argazki onenaren sarirako boto gehien lortu duen argazkia (boto guztien %38,4) Lur Saizarrek egin du, Bide guztiek Lezora eramaten gaituzte izeneko argazkiarekin. Bazen beste sari bat, argazki originalarena: hori Ager Arrietak irabazi du, boto emaileen artean %29ko onespena izan duelako Globoan bidaia argazkiak.
Bi saridunek Euskal Herriko produktuekin osatutako saski bana jasoko dute, osasin krisialdi egoera baretzen denean. Piztu Lezok eskerrak eman dizkie parte hartzaile guztiei.
Beheko bi esteketan, irabazleen berri eta sariketan izan diren argazki guztiak ikusteko aukera:
Argazki originalena, Ager Arrietarena.
