Urtebetetzeak ospatu eta kalejirak egiteari utziko dio Babes Zibilak
Etxeko txikienentzat egoera berri bat hasi zen atzo 4o eguneko etxealdiaren ostean. Egunean behin, heldu batek lagunduta, ordubetez paseatzera ateratzeko aukera dute atzotik. Hori horrela, Babes Zibileko boluntarioek erabaki dute ez dela hain beharrezkoa "poz txiki" horiek ematen jarraitzea, eta horrenbestez, urtebetetzeak ospatu eta kalejira egiteari utziko diote.
Babes Zibileko boluntarioak. Argazkia: Herri Bizia COVID-19a eragindako osasun krisiaren hasieratik oso argi izan du Errenteriako Babes Zibilak, beti bezala, herrikideak laguntzeko lan egingo zutela. Egoera zaurgarrienean dauden eta beharra duten pertsonei elikagaiak eta botikak beraien etxeetara eramaten ari dira, besteak beste. Izan ere, hasieratik izan dira boluntario horiek Babes Sare Publiko Komunitarioko kide, eta horien lan nagusia 010 arreta telefono zenbakian jasotzen diren eskaerak egikaritzea izan da. Hori lan nagusia, baina hain oinarrizkoak izan gabe ere, garrantzitsuak diren beste behar garrantzitsu batzuk ere bete dituzte Babes Zibileko boluntarioek. Horietako bat, herriko txikienak bizi diren etxeetara hurbiltzea izan da, beren auto eta sirenekin, aste luze hauetan kalera atera ezin izan duten horiei “poz txiki” bat emateko.
Asmoa bete dute, ez da zalantzarik, eta txikienak animatu dituzte bai eguneroko lan horrekin, baina baita heldu bat baino gehiago ere.
Etxeko txikienentzat egoera berri bat hasi zen atzo 4o eguneko etxealdiaren ostean. Egunean behin, heldu batek lagunduta, ordubetez paseatzera ateratzeko aukera dute atzotik. Hori horrela, Babes Zibileko boluntarioek erabaki dute ez dela hain beharrezkoa “poz txiki” horiek ematen jarraitzea, eta horrenbestez, urtebetetzeak ospatu eta kalejira egiteari utziko diote.
Esker mezua helarazi diete errenteriarrei boluntario horiek, “gurekiko izan dituzuen txalo, eskertza eta hurbiltasun keinuak eskertu nahi ditugu. Esker emate anonimo horiek direlako asteko zazpi egunak, boluntario moduan, lanean aritzeko indarrak eman dizkigutenak”.
