'Ostalaritzaren erronka berriak' doako online ikastaroa antolatuko dute
Konfinamenduak taberna eta jatetxeak gogor jo dituen honetan, etorkizuneko ostalaritza izango dute hizpide, hilaren 5ean, Nik Oarsoaldean kanpainak antolatutako ikastaroan.
Ikastaro telematikoa Zoom plataformaren bidez egingo da.
Egungo egoera zailetik abiatuta, etorkizuneko ostalaritzari begiratuko diote Oarsoaldeko ostalariek. NikOarsoaldean kanpainaren baitan, Ostalaritzaren erronka berriak doako online ikastaroa egingo da bihar (asteartea) 10:00etatik 11:00etara. Oarsoaldea Garapen Agentziak, eskualdeko merkatari, ostalari eta zerbitzu elkarteak ekonomikoki dinamizatzeko laugarren ikastaroa izango da biharkoa.
Gipuzkoakoa Ostalaritzako presidente eta Espainiako Ostalaritza Elkarteko presidenteorde Mikel Ubarretxenak zuzenduk du ikastaroa. Haren gidaritzapean, sektorean sortu diren behar berriei begira jarriko dira. Koronabirusak ekarri duen ziurgabetasuna, normaltasun berrira iritsi arte egin beharreko faseak, errentagarritasuna, babes neurriak… horiek guztiak izango dituzte eztabaidagai.
Ikastaro telematikoa Zoom plataformaren bitartez egingo da eta nahi duten ostalari guztiek izena eman ahalko dute. Harremanetan jartzeko, deitu 943 494129 telefonora. Era berean, nahi duenak COVID-19aren inguruko diru laguntzen informazio eta bestelako edukiak eskuragarri izango ditu, Oarsoaldea Garapen Agentziak sortutako webgunean.
