Ostatuen terraza tasak erabilpenaren arabera kobratuko dira
Korononabirusaren ondorioak aintzat hartuta, ohiko terraza tasak baliogabetu eta likidazio berriak egingo ditu Pasaiako Udalak. Ordainketak, benetako erabilerari lotuak izango dira.
Koronabirusaren ondorioak aintzat hartuta, erabileraren arabera ordaindu beharko dira terraza tasak. Ostatuek bide publikoan terrazak jartzeagatik, ordaindu beharreko ohiko tasak bertan behera utzi ditu Pasaiako Udalak. Hortaz, ostalariek jasotako ordainagiriak baliogabetu egin dira eta haiengatik ordaindutako diru kopuru guztia itzuliko zaie.
Udalak koronabirusak ostalariengan izan dituen ondorio ekonomikoak agerikoak direnez, tasa berriak kobratuko zaizkie, terrazek benetan izan duten aintzat hartuta. Aurtengo ordainketak bi alditan kobratuko dira. Lehena, urtarrilaren 1etik martxoaren 14ra arteko jardunaren ordainketa izango da, hau da, alarma egoera indarrean sartu arteko denborarena. Bigarrena, uda ondoren egingo da, eta soilik ordaindu beharko da terrazek izan duten erabileraren arabera.
Pasaian bide publikoa okupatzeko 90 lizentzia eman zituen udala urte hasieran. %20ak dagoeneko ordaindu du kopuru osoa, eta apirilaren 27rako ordainketa zatikatzen duten 27 ostaturen 11 ordainagiri kobratu ziren. Gainerako likidazioak kobratu gabe gelditu dira, alarma egoera indarrean sartu zenean udalak ordainketa horiek eten zituelako dekretu bidez.
Gaur gaurkoz, lizentzia egoera ezberdina denez ostatuaren arabera, denak baliogabetzea erabaki du udalak.
