Zerga egutegia moldatu du udalak
Ordainketak helbideratuta dituztenak, kobrantzak itzuli ahal izango dituzte, eta udala aurrerago saiatuko da berriro egutegian zehaztutako egunetan. Erreziboa helbideratua ez dutenek, ordainketak Zu! Arreta Zerbitzuan egin ditzakete aurrez aurreko zerbitzua berriro hasten denean, edo entitate laguntzaileetan.
Zerga egutegia malgotu du udalak COVID-19ak eragindako egoera arintzeko. Talka eta suspertze plana martxan du udalak COVID-19ak tokiko ekosistema ekonomikoan duen eragina arintzeko. Aipatu planak hamasei neurri aurreikusten ditu. Horietako bat da egutegi fiskal malgua. Ordainagiriak modu berean iritsiko dira, baina nahi izanez gero, ordainketa epeak aldatu ahal izango dira. Hala, ordainagirien ordainketa aurtengo abenduaren 31 arte atzeratu ahalko da, interesik gabe, zatika edo osorik. Neurri horrek, tasa hauei eragiten die: autoen bineta, OHZ Ondasun Higiezinen Zerga, Ura, hondakinak, EJZ Ekonomi Jardueren gaineko Zerga, bide publikoaren okupazioa, eta pasabideen gaineko tasa.
Horretarako, ordainketak helbideratuta dituztenak, kobrantzak itzuli ahal izango dituzte, eta udala aurrerago saiatuko da berriro egutegian zehaztutako egunetan. Erreziboa helbideratua ez dutenek, ordainketak Zu! Arreta Zerbitzuan egin ditzakete aurrez aurreko zerbitzua berriro hasten denean, edo entitate laguntzaileetan.
Data guztiak biltzen dituen egutegia datorren egunotan banatuko da Errenteriako etxe guztietan.
Trakzio Mekanikokmo Ibilgailuaren Zergaren (TMIZ) ordainketa egiteko ordainagiriak bihar pasako dira lehenengo aldiz helbideratuta daudenen kasuan. Itzultzen direnak, uztailaren 9an pasako dira bigarrenez; hirugarrenez irailaren 9an, laugarrenez azaroaren 9an eta azkeneko saiakera, abenduaren 31n egingo da.
Helbideratuta ez daudenen kasuan, datorren astean jasoko dute ordainagiri berria, borondatezko epe berria jasotzen duena: abenduaren 31.
