Bibliotekaz etxean gozatzeko lau hitzordu berri
Gaurtik hasi eta asteazkenera bitartean lau ekintza online antolatu ditu. Gaur izango da lehena, euskarazko literatur solasaldia, hain zuzen ere. Yoseba Peñaren Hariak liburuaren gainean arituko dira solasaldian Xabier Etxanizek gidatuta.
Bibliotekara ezin dute joan herritarrek, eta biblioteka etxeraino joango da, beste astebetez. Horretarako, gaurtik hasi eta asteazkenera bitartean lau ekintza online antolatu ditu. Gaur izango da lehena, euskarazko literatur solasaldia, hain zuzen ere. Yoseba Peñaren Hariak liburuaren gainean arituko dira solasaldian Xabier Etxanizek gidatuta.
Bihar berriz, Aitzindari batzuk solasaldiaren txanda izango da. Virginia Woolfen, La señora Dalloway en Bond Streat izango dute hizpide, 19:00etan hasita, Amaia Garciak gidatuta. Hitzaldiek ere izango dute tartea, izan ere, asteazkenean bertan, 10:30ean hasita Elikadura osasungarriaren tailerra gidatuko du Jone Mendartek; biharko saioan, disruptore endokrinoez mintzatuko da aditua.
Azken hitzordua, aste honetan, 9-12 urte arteko haurrei begirako Irakurketa Ozenki tailerra izango da. 17:30ean izango da, asteazkenean, Irene Soteloren eskutik.
Parte hartzeko Google Chrome nabigatzailea erabili behar da, ordenagailuko kamara eta mikrofonoa baimenduta daudela ziurtatu, eta esteka bakoitza sakatu. Ekintza horietan parte hartzen dutenei gonbidapena luzatuko die bibliotekak, baina ekintza guztiak irekiak izango dira herritar guztientzat.
