Pasaiako ibilbide nagusiak mapa bakar batean
Pasaian oinez zein bizikletaz egin daitezkeen ibilbideak mapa interaktibo batean bildu ditu Gislan Kooperatibak.
Mapa interaktiboak, ibilaldiak nahiera antolatzeko aukera ematen du. Irudia: Gislan.
Jendea etxetik irten eta mugitzeko gogoz dagoen honetan, geografia informazio sistemak eskaintzen dituen Gislan Kooperatibak, bere ekarpentxoa egin die Pasaiako herritarrei. Udalerrian egin daitezkeen ibilbide nagusiak mapa interaktibo batean bildu ditu Gislanek.
Mapa hartan bizikletaz zein oinez egin daitezkeen hainbat ibilbide ageri dira eta aukera ezberdinak eskaintzen ditu, besteak beste distantziak eta denbora tarteak neurtzea. Dena dela, oroitu beharra dago, mugikortasun murrizketek indarrean jarraitzen dutela eta hainbat bide oraindik ezin direla erabili, adibidez, Done Jakue bideari dagokiona. Egun hauetan eta fase berri batera igaro arte, irteerak araututakoaren arabera izan beharko dute.
