Pasaian terrazak segurtasunez irekitzeko protokoloa
1. faseak taberna eta jatetxeen terrazak irekitzea ahalbidetuko du. Pasaiako Udalak terrazetan zerbitzua segurtasunez emateko argibideak eman ditu.
Gaurtik aurrera baimenduta dago terrazetan zerbitzua ematea. Gaurtik aurrera, arinaldiaren lehen fasean da Oarsoaldea. Bi hilabetetik gora itxita eman duten taberna, jatetxe eta ostatuek, terrazak jarri eta zerbitzua eman dezakete nahi izanez gero.
Sor litezken zalantzak argitzeko asmoz, terrazetan segurtasuna bermatzeko protokoloa publikatu du Pasaiako Udalak. Neurri orokor batzuk zehaztu dira hasteko; bezero bakoitza etorri orduko terrazak desinfektatuak egon beharko dute eta bezeroentzako gelak ere eskuragarri izatea gomendagarria da. Ahal den heinean, erabilera bakarreko materialen alde egitea eskatu dute. Ohiko karten ordez, elikagai eta bestelako produktuen berri emateko beste sistema batzuk aztertzea, egokia litzateke. Ezinezkoa balitz, kartak banan-banan desinfektatu beharko dira.
Ordainketei dagokienez, bide elektronikoak lehenetsiko dira, bereziki kreditu txartela. Dena dela, esku dirutan egiten bada, langile bakar batek egitea gomendatu du udalak, eta bitartekariez lagunduta, adibide erretilu batekin. Bezeroak eta langileak noski, eskuak garbitu beharko dituzte.
Pasaiako Udalak egokitzak jo plastikozko estalkiak jartzea, pertsonen arteko tartea bermatzeko modu ona baita. Izan ere, terraza batek eserlekuen atzeko parteen artean, bi metroko tartea egon beharko da. Zintak eta bestelakoak onak izan daitezke tarte horiek zehazteko.
Komunak bereziki zaindu beharko dira. Egunean sei aldiz garbituko dira gutxienez, eta uneoro ziurtatu beharko da xaboi, papera eta bestelakoen hornidura. Zaborra bestalde, eskuak erabili gabe irekitzeko prestatua egongo da. Erabiltzaileak banaka sartu beharko dira, baina laguntza behar dutenekin sartzea baimenduta izango da.
Hona hemen terrazetan segurtasuna bermatzeko Pasaiako Udalak argitaratu duen protokoloa.
