LGTBIfobiaren aurkako egunaren harira hainbat ekintza antolatu dituzte
Bullying LGTBIfobikoa nerabeengan eta homosexualitatearen despenalizazioaren gaineko bi hitzaldi antolatu ditu LGTBI+ Mahaiak.
LGTBIQ+ Mahaiak Harrotasun eguna ospatzeko TRansmaribollo Martxa antolatu du. Igandean, hilaren 17an, LGTBIgfobiaren Aurkako Nazioarteko Eguna izango da. Horren harira, hainbat ekintza antolatu ditu Errenteria LGTBI+ Mahaiak. Zehazki, hausnarketarako aukera eskainiko duten bi hitzaldi antolatu ditu online hilaren 15ean eta 16an, biak instagram online zuzenekoak, 18:00etatik aurrera.
Bulling LGTBIfobikoa Araba, Bizkai eta Gipuzkoako ikastetxeetan goiburuarekin, horren gaineko hitzaldia egingo dute Enara Larrain eta Irati Ugartek ostiralean. Psikologia masterra egin eta EHUko Psikologia Fakultatean tesia egin zuen Larrainek: Bullying LGTBIfobikoa Euskal Herriko nerabeetan: prebalentzia, aldagai psikologikoekiko lotura eta eragina osasun mentalean.
Tesia osatzeko 13 eta 17 urte arteko 1.748 nerabeei galdetegiak egin zizkien Larrainek. Horien emaitzen arabera, ondorioztatu zuen bere tesian LGTBI kolektiboko pertsonen %60ak eskola jazarpen motaren bat jazo duela, eta %13ak jazarpen larri edo bullyinga pairatu duela. Horretaz mintzatuko dira bi adituak ostiraleko online hitzaldian. Elebiduna izango da.
Larunbaterako, beste hitzaldi bat antolatu du LGTBI+ Mahaiak. Homosexualitatearen despenalizazioa, 40 urte geroago goiburuarekin, Julen Zabala eta Gracia Trujillo izango dira hizlariak. Hitzaldi hori, gazteleraz izango da.
LGTBIfobiaren Aurkako Nazioarteko Egunean berriz, LGTBI+ banderak jartzera gonbidatu ditu herritarrak LGTBI+ Mahaiak.
