Preso gaixoak eta adinekoak askatzeko eskatu dute Kongresuan bederatzi alderdik
Gaixotasun larri eta sendaezinak dituzten, 65 urtetik gorakoak diren eta ezarritako zigorraren hiru laurdenak beteta dituzten presoak aske uzteko eskatu dute Espainiako Kongresuan ordezkaritza duten bederatzi alderdi politikok.
Kongresuan iordezkatuta dauden bederatzi alderdi politikok sinatu dute manifestua. Gaixotasun larri eta sendaezinak dituzten, 65 urtetik gorakoak diren eta ezarritako zigorraren hiru laurdenak beteta dituzten presoak aske uzteko eskatu dute Espainiako Kongresuan ordezkaritza duten bederatzi alderdi politikok. Unidas Podemos, EH Bildu, Esquerra Republicana, Junts per Catalunya, EAJ, Mas Pais, CUP, Compromis eta BNG alderdiek dira Askatasunik gabeko prestonen eskubideak errespetatzearen aldeko manifestuaren sinatzaileak.
Egeora zaurgarrienean eta zigorraren hiru laurdenak beteta dituzten presoak aske uztea eskatzeaz gain, sinatzaileek babes, prebentzio eta diagnostiko neurriak orokortzea eskatu dute, baita presoen eta senideen arteko komunikazioak zabaltzea ere, telefono deiak doan izan daitezela zehazki, eta bideo deiak egiteko aukera izan dezaten larrialdi kasuetatik harago.
Ez dira eskarea bakarrak, presoen eta abokatuen arteko komunikazioak berrezartzeko eta hala eskatzen duten presoak beren etxetik hurbil dauden espetxeetara hurbiltzeko ere eskatu dute. Hurbilketa hori, etxetik urrutien dauden eta adin txikiko seme-alabak dituztenekin hasi beharko litzatekeela esan dute.
Gure bi eskualdeetan larri gaixo dauden bi preso dira, biak Errenteria-Oreretakoak: Mikel Arrieta eta Aitzol Gogorza. Euskal Herritik 1.100 kilometrora dagoen Algecirasko Botafuego espetxean (Andaluzia, Espainia) dago preso Arrieta. Espondilartropatia kroniko seronegatiboa du Arrietak, endekapenezko gaixotasun larri eta sendaezina. Gogorza ere larri gaixo dago, eta pasa den urteko apiriletik espetxealdi arindua ezarrita etxean zigorra betetzen ari da oreretarra eskumuturreko telematikoarekin; etxetik terapietara joateko irteteko baimena du bakarrik. Nahasmen obsesibo konpultsiboa du Gogorzak.
