Pasaiako Udala: "LGTBIfobiaren aurka egitea, garapena bultzatzea da"
Gaur ospatzen den LGTBIfobiaren Aurkako Nazioarteko Egunaren harira, adierazpen ofiziala egin du udalak. Emakume lesbianek eta transexualek bereziki pairatzen duten bazterkeriaz ohartarazi dute.
LGTBI bandera San Pedroko alkateordetzan. Homosexualitatea OMEren gaixotasunen listatik kendu zela oroitzen da maiatzaren 17an. 1990eko maiatzaren 17an homosexualitatea gaixotasunen listetatik kendu zuen Osasunerako Mundu Erakundea. Ordutik, kolektiboak ikurtzat du gertakaria eta gaur egun Lesbofobia, Homofobia, Transfobia eta Bifobiaren Aurkako Nazioarteko Eguna ospatzen da maiatzaren 17an. Pasaiako Udalak bat egin nahi izan du egunarekin adierazpen ofizial baten bitartez.
LGTBI kolektiboak, borrokaren bitartez lortutako eskubideak goratu dituzte udaleko iturriek, “aurrerapen handiak egon dira, bai jendartean, baita legegintzan ere, LGTBI kolektiboko pertsonak gainerakoekin berdintzen dituzten legeak onartu baitira”. Dena dela, jakitun dira LGTBI pertsona askok egunerokoan diskriminatuak izaten jarraitzen dutela eta lan asko egin beharko dela oraindik, “Euskal Herrian, nola mundua, zoritxarrez, aurreiritziak, uste faltsuak, estereotipoak, bazterketa eta gorrotoa oraindik ere jendarteko sektore askotan sakon errotuta daude” dio oharrak.
Emakume lesbianek, transexualek, adinduek eta mugikortasuna arazoak dutenen jasan behar duten bazterkeriaz ohartarazi du berezik udalak. Euskal Herriko hirietan eraso LGTBIfoboek gora egin dutela egiaztatuta, oraindik ere “norberaren sexualitate, sexu identitate nahiz generoaren arabera bizitzeko askatasun egiazkorik ez dagoela”, salatzen du oharrak.
Aniztasuna, aberastearen baliokide denez, LGTBI eskubideak defendatzera deitu dute, LGTBIfobiaren aurka egitea garapena bultzatzea baita. Bazterkeria alde batera uztea, gizarte bideazkoago bat lortzeko urratsak ematea da.
