Tabernek terrazen eremua zabaldu ahalko dute
Ostalariek taberna eta jatetxeen terrazak zabaltzeko baimena emango du Pasaiako Udalak gainontzeko udal talde politikoekin adostuta.
Terrazen %50a bete ahalko da, hau da, ohikoan izaten dituzten bezeroen erdia Lehen fasea indarrean denetik taberna eta jatetxeen terrazetara joateko aukera dago. Baina COVID-19arekin kutsatzeko arriskua ekidite aldera, segurtasun neurri zorrotzak hartu behar izan dituzte ostalariek gutxieneko tartea zaintzeko. Bada, neurri horiek zertxobait arintzea erabaki du Pasaiako Udalak. Gainontzeko udal taldeekin adostuta, ostalariek terrazen eremua zabaldu ahalko dute.
Hala ere, terrazen zabaltze hori, baldintza jakin batzuekin egin beharko da. Terrazen %50a bete ahalko da, hau da, ohikoan izaten dituzten bezeroen erdia baino ezingo dira egon. Azalerari dagokienez, gehiago zabaldu ahalko dira terrazak, betiere ondoko lokalen baimena jaso bada, eta haien terraza eta edukiekiko paraleloan badago.
Kupelak eta aulkitxoak kendu behar zituzten hainbat ostalarik, bide publikoan zeudelako. Hemendik aurrera lokal horiek mahaitxo bat jarri ahalko dute, terrazak jartzeko lizentziarik ez badute ere. Pasaiako hainbat tokitan, lokalen kanpoko eremua nahiko txikia denez, aparkalekuak kentzeko aukera aztertuko da kasuaren arabera. Neurri guzti hauek Espainiako Osasun Ministerioak araututakoaren arabera hartu dira behin-behinea. Udalak ez du baztertzen aldaketak egin behar izatea.
Moldaketa hauek, babes zabala izan du, Pasaiako Udalan ordezkaritza duten alderdi guztiek babestu baitute eta ostalariekin elkarlanean adostu dira. Terrazen eremua zabaldu nahi duten ostalariek, posta elektronikoz adierazi beharko diote udal teknikariei.
