34 establezimenduk egin dute bat bonuen kanpainarekin
Gaurtik aurrera parte har dezakete Oiartzungo Udalak martxan jarritako kanpainan. Komertzio edo taberna bakoitzean bi bonu eskura daitezke.
Gaur hasi da Oiartzungo merkataritza eta ostalaritza txikia sustatzeko kanpaina. Oiartzungo Udalak bonuen bitarteko kanpaina bat abiarazi du, eta 34 establezimenduk bat egin dute. COVID-19ak eraginda, itxita egon behar izan dute establezimenduek, eta kanpaina horrek galera horiek arintzen laguntzea du helburu.
34 horietan bonuak eros daitezke, bertan erabili ahal izateko. 30 euroko bonua erosita, 40 euroko erosketa egin daiteke. Hamar euroko tarte hori udalaren ekarpena izango da.
Bezero bakoitzak, gehienez, bi bonu eros ditzake establezimendu bakoitzean. Uztaila bukaera arte trukatu ahal izango dira.
Guztira, 2.500 bonu banatu ditu udalak herriko merkataritza eta ostalaritzako establezimenduetan. Establezimenduren bat dutenek oraindik kanpainarekin bat egin dezakete, bonuak agortu arte. E-posta bidez edo telefonoz deituta (943 49 01 42; astelehenetik ostiralera, 08:30etik 14:00etara).
- Ainhoa Berasarte fisioterapia.
- Ainhoa ile apaindegia.
- Alhambra taberna.
- Arkupe hortz-klinika.
- Azkar kirolak.
- Baobab.
- Dixidu diseinu grafikoa.
- El Paso.
- Garbiñe edergintza.
- Goxoki denda.
- Gurutze Berri jatetxea.
- Iriberri jatetxea.
- Itziar edergintza.
- Kabitxo taberna.
- Kapeo jatetxea.
- Kastro-berri taberna.
- Kinkilla.
- Kirikoketa ileapaindegia.
- Lizarralde ortopedia.
- Maddi arropa denda.
- Matteo jatetxea.
- Mirari Txurio ileapaindegia.
- Miren taberna.
- Numai ongizate zentroa.
- Oiartzun autoeskola.
- Oiartzun Running Shop.
- Oiartzun Zone.
- Ordozelai sagardotegia.
- Oskarbi.
- Pausoz pauso podologia.
- Sorgin Zulo taberna.
- Toki Alai jatetxea.
- Tolaita taberna.
- Urrats paperdenda.
