Plastikoa eta hainbat zabor azaldu da bi errekatan
Haserre azaldu da Oarsoaldeko Eguzki inguruko bi erreken egoera tamalgarriarekin; Esnabidetik behera doan ubidea da bata (Donostia-Orereta) eta Papresa lantegia zeharkatzen duena bestea (Lezo). Bietan plastikoa eta beste motatako hainbat hondakin azaldu dira.
Papresa inguruan dagoen ubidea. Administrazioaren eta herritarren jarrera aldatzeko beharra nabarmendu Eguzki talde ekologistak. Haserre azaldu da Oarsoaldeko Eguzki inguruko bi erreken egoera tamalgarriarekin; Esnabidetik behera doan ubidea da bata (Donostia-Orereta) eta Papresa lantegia zeharkatzen duena bestea (Lezo). Bietan plastikoa eta beste motatako hainbat hondakin azaldu dira.
Itsasoko kutsadura azaltzen duten argazkiek aztoratu egiten dituztela herritarrak, baina kutsadura hori, neurri handi batean erreketatik eta ibaietatik heltzen dela itsasoraino ekarri du gogora, eta horren atzean herritarren arduragabekeria eta administrazioaren utzikeria daudela esan du.
Herritarrak kontzientziatzeko planek egoera aldatzen ez duten bitartean, argi esan du, gainera, administrazioen ardura dela arazo horren aurrean bitarteko eta neurri eraginkorrak hartzea: “Salaketaz gain, gai honetan eskumenak dituen administrazioak egoera konpon dezala eskatzen diogu, eta erreka eta ubideen egoera ona mantentzeko lanak egin ditzala plastikoa ez dadin itsasora iritsi”.
