Egunean Behineko podiumean ohorezko lekua du Erik Gartziak
Martxoan ere sailkatu zen lehenengo eta saria eskuratu Gartziak, eta aurreko astean, berriz ere izan da taldekideen artetik azkarrena eta jakintsuena.
Orain hasi dira sariak banatzen, konfinamendua arintzen hasi denean. Fin dabil errenteriarra. Aurreko asteko irabazlea izan da Erik Gartzia, eta izen hori entzunda beldurtzen has daitezke Egunean Behin jokoko Lau Haizetara euskara elkartearen taldean norgehiagoka ari direnak. Martxoan ere sailkatu zen lehenengo eta saria eskuratu Gartziak, eta aurreko astean, berriz ere izan da taldekideen artetik azkarrena eta jakintsuena.
Lehenengo postua eta 566,88 puntu metatuta irabazi du. Bigarren sariduna, berriz, Onintzaa izan da; 372. postuan sailkatu zen 363,65 punturekin.
Lau Haizetara elkarteak 700 lagun bildu nahi ditu 700+ euskaraz taldera, eta dagoeneko 650 partaide lortu ditu. Bat egin nahi dutenek Egunean behin aplikazioa jaitsi behar dute Google Playtik edo App Storetik, eta C3737B kodea sartu. Hortik aurrera, euskaraz taldean jokatzen gozatzeko aukera izango dute. Azkarrenek, Gartziaren moduan, saria jasoko dute, baina baita zortea lagun duten beste batzuek ere.
ASte honetako bi irabazleek, Talaios kooperatibak eskainitako Atopia rol jokoaren liburu bana eskuratuko dute.
