Lezoko euskal presoen aldeko kartelada bihar itzuliko da
Lezoko euskal presoen aldeko kartelada bihar itzuliko da. 20:00etan, 30 bat minutuko elkarretaratzea egingo dute Gurutze Santuaren plazan.
COVID-19ak eragindako osasun larrialdia arintzen doan heinean, Lezoko hainbat dinamika berriz ere berera itzultzen ari dira. Horietako bat presoen aldeko ostiraleroko aldarria da, kartelada.
Ostiral honetan (maiatzak 22), 20:00etan eta Gurutze Santuaren plazan euskal presoen babeserako kartelada egingo dute. Ez da ibiltaria izango osasun segurtasun arrazoiengatik, plazan bertan egongo dira 30 bat minutuz.
Segurtasun arauak betetzeko eskatu diete mobilizazioarekin bat egingo dutenei, besteak beste distantziak mantentzeko eskatu diete. Aldi berean, parte hartzaileei maskara eramateko eskatu diete.
