Astelehenetik, TAO zerbitzua berriro martxan
Zamalanetarako ordutegia ere, bere ohiko ordutegira itzuliko da.
TAO makinak aldatuko ditu udalak zerbitzu berria martxan jartzeko. TAO zerbitzua martxan jarriko du udalak datorren astelehenetik, baita zamalanetarako ohiko ordutegia ere. Horren arabera, azken asteetan 24 orduz aparkatzea baimendu diren Miguel Zabaleta, Aiako Harria kirol gunea, eta Pio Baroja ikastetxeko kirol gunea aparkatzeko ohiko ordutegi mugatura itzuliko dira: 22:00etatik 08:00etara.
Zamalanetarako ordutegia bere ohiko ordutegira itzuliko da, bestalde, eta oinezkoentzako guneak berreskuratuko dira. Oinezkoentzako gune seguruak berreskuratzeko beharrak, maiatzaren 25etik aurrera ezarriko den beste neurri bat dakar. Horrela, berriro aktibatuko dira Biteri kalea, Alfontso XI, Biteri Txiki, Fernandez de Landa, Madalen kalea, Ugarritze eta Iztietara sarbidea mugatzen duten pilonak.
Eremu horietako zirkulazioa zamalanetarako ezarritako ordutegiaren arabera kontrolatzen da. Ordutegi horietatik kanpo, larrialdi zerbitzuak edo baimendutako beste erabilera batzuk bakarrik igaro ahal izango dira.
Biteri, Biteri Txiki eta Fernandez LAnda kaleetako zirkulazioa antolatzeko matrikulak irakurtzeko kamerak jarri dira, eta baimendutako ibilgailuek hautematen dituztenean pilonak automatikoki irekiko dira. Iztietako oinezkoentzako gunean, sistema hori aurrerago ezarriko da, beraz, ohiko moduan funtzionatuko du.
