Posta bidezko bozkari buruzko jarraibideak emango dira PSE-EEren egoitzan
Hilaren 28tik uztailaren 2ra arte martxan izango da posta bidezko botoa tramitatzen laguntzeko zerbitzua, alderdiak Trintxerpen duen egoitzan.
Uztailaren 12an egingo dira Eusko Legebiltzarrerako hauteskundeak Araban, Bizkaian eta Gipuzkoan. Posta bidezko bozkaren inguruan informazioa emateko ateak zabalik izango ditu Pasaiako PSE-EEren egoitzak. Gauzak horrela, uztailaren 12an hauteslekura joan ezin dutenek, posta bidezko botoa tramitatu ahalko dute alderdiak Trintxerpen duen egoitzan (Euskadi etorbidea, 59).
Zerbitzua hilaren 28tik uztailaren 2ra arte izango da indarrean, astelehenetik ostiralera, 10:00etatik 13:30etara eta 16:30etatik 20:00etara. Larunbatetan aldiz, 10:00etatik 13:30etara zabalik izango ditu ateak PSEren egoitzak. Gaixo ala ezinduak dauden pertsonek ere bertan botoa eman ahalko dutela gogorarazi du alderdiak.
