[Galeria] Itzuli dira arratsalde goxoak Donibanera
Bigarren fasean sartuta, jendeak are eta gogo gehiagorekin hartu ditu kaleak. Herritar ugarik Pasai Donibanek eskainitako arratsalde politaz gozatu ahal izan zuten.
Bigarren fasearekin batera, ohikoak ziren hainbat irudi ikusi ahal izan dira Donibanen. Astelehenean urrats berri bat eman eta arinaldiaren 2. fasean sartu zen Euskal Herria. Fase berriak, besteak beste, bainu bat hartzea ala kirola edozein orduan egitea ahalbidetzen du. Dena dela, 2. fasea sartu izana, egoerak hobera egin duela esan nahi du eta ondorioz jendeak lasaiago dagoela dirudi.
Jendea udaberri gogoz dabilea agerian geratu zen atzo Pasai Donibanen. Arratsalde eguzkitsuak epeletik jo zuen eta herritar ugarik arratsaldeak eskainitakoaz gozatzera irten ziren. Gutxinaka, ohikoak ziren ekintzak ikus daitezke berriz ere kaleetan; haurrak jolasean, igerilariak, arrantzaleak ala besterik gabe, Alabortza inguruan eguzkiaren azken izpiez gozatzen ari diren pertsonak.
Hona hemen atzoko arratsaldeak utzitako zenbait irudi.
