Orereta Ikastolaren Haur Eskolan izena emateko epea, zabalik
Orereta Ikastolaren Haur Eskolan matrikula egiteko epea zabalik da ekainaren 8ra arte. COVID-19ak eragindako egoeraren testuinguruan, online egin behar da matrikula Orereta Ikastolaren webgunearen bidez.
Orereta Ikastolak zabalik du Haur Eskolako matrikula epea. Orereta Ikastolaren Haur Eskolan matrikula egiteko epea zabalik da ekainaren 8ra arte. COVID-19ak eragindako egoeraren testuinguruan, online egin behar da matrikula Orereta Ikastolaren webgunearen bidez.
Matrikula egiteko laguntza behar dutenek, eta Haur Hezkuntza bera edo Esmalteria Berria ezagutu nahi dutenek, posta elektronikora mezua bidali behar dute.
Pedagogia berritzailea jarraiki, espazioak ere hezkuntza beharretara egokitzeko apustua egin duela nabarmendu du ikastolak, “haur eskola eta bi eta hiru urteko gelak dauden Esmalteriako eraikina eraberritzea izan da lehen urratsa bide horretan. Horrez gain, ikasle guztiei etxeko otorduak eskaintzen zaizkie. Hirugarrenik, aipatu ikastolako haur eskolak egutegi eta ordutegi aukera zabala eskaintzen diela familiei”.
0-18 urte arteko kalitatezko hezkuntza proiektu burujabea dela berea nabarmendu du Orereta Ikastolak gainera, “euskara zein euskal kultura oinarri hartuta eta beste hizkuntza nahiz kulturei irekia. Haur eskola beraz, proiektu zabalago eta osoago baten parte da”.
Posta elektronikoaz gain, 943 520 397 telefono zenbakia dute eskura interesdunek, 09:00etatik 14:00etara informazioa eskatu edota zalantzak argitzeko.
