Errenterian 11 kolore iniziatibak arrakastaz itxi du bosgarren ekinaldia
COVID-19aren osasun larrialdiak eragina izan du eta baldintzatu egin du Errenterian 11 kolore iniziatiba ere; hala ere, berrasmatu eta arrakastaz egin du bosgarren ekinaldia.
COVID-19aren osasun larrialdiak eragina izan du eta baldintzatu egin du Errenterian 11 kolore iniziatiba ere; hala ere, berrasmatu eta arrakastaz egin du bosgarren ekinaldia.
Joan den asteko asteartetik ostiralera egin dute, arratsaldero, eta bideo solasaldien bidez. Solasaldi horietan 60 lagunek baino gehiagok hartu dute parte. Aurtengo erronka, aniztasun jaialdia telematikoki ospatzea izan da, eta erroka hori, primeran bete dute: Ecocinema elkarteak Mexikotik hartu du parte, eta Najat Kaarache sukaldari ospetsuak Marokoko Fes hiritik 11 zapore ekimenean.
Horiekin batera, herriko ostalariak, ikasleak, elkarteak, haurrak… perfil ezberdinetako jendearengana heldu da iniziatiba. Askotariko gaiak lantzeaz gain, web gunea eta materialak ikusgai jarri ditu iniziatibak. Hor bilduta daude Leiho guztiak, leiho bakarra film laburra, baita argazkia eta mikrokontakizuna bidaliz 11 etxe eta kolore proiektuan parte hartzeko iniziatiba ere.
Aniztasunean etxetik ongi pasatzeko txokoan lantzeko material ugari dago. Aurten, ipuinak, filmak eta bestelakoak biltzen dituen etxeko txikiei zuzenduriko atala sortu da.
Horiek guztiak herritarren eskura daude web orrian, baita aurtengo programazioaren barruan izan diren lau bideo tertuliak entzuteko aukera ere.
