Herritarren Arreta Zerbitzuko bulego guztiak zabalik ekainetik aurrera
Donibane, Antxo eta Trintxerpeko HAZ bulegoek 7:30etatik 13:00etara irekiak izango dira, aldez aurretik hitzordua eskatu duten herritarrentzat.
Ekainaren 1etik aurrera Pasaiako Herritarren Arreta Zerbitzuko bulego guztiak zabalik izango dira. Orain arte, Donibanekoak baino ez du zerbitzua ematen. Arinaldian beste urrats bat emanez, Antxo eta Trintxerpeko bulegoak ere irekitzea erabaki Pasaiako Udalak. Dena den, HAZ bulegoetara joan nahi dutenek, hitzordua aldez aurretik eskatzen jarraitu beharko dute, 943 34 40 34 telefonora deituz.
Bulego guztiak, kutsatzeak ekiditeko egokitu dira eta bertaratzen direnak segurtasun neurriak zorrotz bete beharko dituzte. Bulegoak astelehenetik ostiralera irekiko dira 7:30etatik 13:00etara.
