Aurrezko aurreko maileguak egin ahalko dira Pasaiako liburutegietan
Ekainaren 1etik (astelehena) aurrera, maileguak aurrez aurre egin ahalko dira Antxo, Donibane, San Pedro eta Donibaneko liburutegietan.
Oraingoz, aurrez aurreko maileguak egin ahalko dira besterik ez. Ekainaren 1ean zabalduko dituzte Pasaiako lau udal liburutegiak, oraingoz, maileguak egiteko besterik ez. COVID-19rekin kutsatzeko arriskua ekidite aldera, segurtasun neurri zorrotzak ezarriko dituzte liburutegietan. Hauek dira Pasaiako Udalak ezarritako neurri horiek:
- Harrera gela bakarrik egongo da irekita.
- Maskararekin etorri behar da.
- Sarreran eskuragarri dagoen gel desinfektatzailearekin eskuak garbitu behar dira.
- Erabiltzaileak banaka sartuko dira.
- 14 urtez azpikoak heldu batek lagunduta bertaratuko dira.
- Itzultzeak kanpoko buzoian edo sarreran propio jarritako kaxetan egingo dira.
- Itzulitako material guztiak berrogeialdian egongo dira, hamabost egunez.
- Maileguan eraman nahi diren materialak aurretiazko hitzordu bidez eskatuko zaizkio liburuzainari (aldez aurretik katalogoa kontsultatzea gomendatzen da).
- Bilduma liburuzainak bakarrik erabili ahal izango du.
- Ez da gomendatzen igogailua erabiltzea. Oso beharrezkoa den kasuetan bakarrik erabiliko da.
- Komunak itxita egongo dira.
- Ez da ordenagailu zerbitzurik egongo.
- Ikasgelak itxita egongo dira.
- Protokolo hau egoeraren arabera moldatzen joango da.
Antxoko liburutegiak 10:00etatik 12:30etara eta 17:15etatik 19:30etara izango da zabalik astelehenetik ostegunera eta ostiraletan, 10:00etatik 12:30etara. Trintxerpe eta Donibaneko liburutegiak 10:00etatik 14:00etara irekiko dituzte astelehenetik ostiralera. San Pedroko liburutegian ordea, 11:00etatik 12:30etara emango da zerbitzua. Aurretiazko hitzordua eskatzeko, jarri harremanetan Pasaiako udal liburutegiekin.
