Mailegu zerbitzuarekin zabalduko ditu ateak Andreone liburutegiak
Mailegu zerbitzuarekin zabalduko ditu ateak Andreone liburutegiak. Bestelako zerbitzuek etenda jarraituko dute. Segurtasun neurriak bete behar dira.
Andreone Lezoko Udal Liburutegiak astelehenean (ekainak 1) zabalduko ditu ateak, hasteko, maileguen zerbitzua martxan jarriz. Gainerako zerbitzuek etenda jarraituko dute. Astelehenetik ostegunera 16:00etatik 20:00etara izango da maileguak egiteko harrera gela zabalik; ostiraletako ordutegia zabalagoa da: 09:00-13:00 goizez, 16:00-20:00 arratsaldez.
Erabiltzaileak banaka sartu beharko dute herriko liburutegira; 14 urtetik beherakoek heldu baten laguntza beharko dute. Ezinbestekoak: markara eramatea, eta sarreran egongo den gelarekin eskuak garbitzea. Nahi den materiala liburuzainari eskatu beharko zaio, horregatik, aurrez katalogoa kontsultatzea gomendatu du udalak.
Hartutakoen itzulera kanpoko buzoian edo sarreran jarriko duten kaxetan egin behar da. Itzulitako material guztia berrogeialdian jarriko dute.
Informazio gehiago izateko 943 51 95 92 telefono zenbakira deitu behar da. Posta elektroniko mezua bidalita ere egin daitezke kontsultak. Liburutegiaren webgunera iristeko sartu hona.
