Merkataritzarentzako diru laguntzak eska daitezke, hilaren 29ra arte
Eusko Jaurlaritzak ematen duen diru laguntza horiek eskatzeko baldintzen berri eman du Oarsoaldea Garapen Agentziak. Enpresa txiki eta ertainei zuzenduta dago.
Eusko Jaurlaritzak merkataritza sektorea laguntzeko diru laguntzak emango ditu. Hilaren 29an bukatuko dela gogorarazi du Oarsoaldea Garapen Agentziak. Helburua COVID-19ak sortutako galera ekonomikoak ahal bezain beste arintzea dela nabarmendu dute.
Enpresa txiki eta ertainei zuzendutako diru laguntzak dira, eta Oarsoaldearen bitartez eska daitezke. Informazioa ere bertan eska daiteke. Telefono zenbaki bat eman dute horretarako, deitzeko edo Whatsapp bidez harremanetan jartzeko (943 49 41 29). Webgunean ere aurki daiteke informazioa.
Lagunduko dituzten kontzeptuak honakoak dira:
- a) Merkataritza-jarduera egiteko erabiltzen den lokal edo hiri-finka bakar baten alokairu-gastuak, 2020ko martxoaren 14etatik 2020ko abuztuaren 31ra arte.
- b) Merkataritza-jarduera egiteko erabiltzen den lokal edo hiri-finka erosteko hipoteka-maileguaren edo mailegu pertsonalaren kuotak (amortizazioa + interesak), 2020ko martxoaren 14etatik 2020ko abuztuaren 31ra arte.
- c) 2020ko udaberri-udara sasoiko produktuen stocka erostearen gastua, 2020ko martxoaren 14a baino lehenago erosi eta jaso bada.
- d) Ohiko gastu hauek zuzenean lotuta daude diruz lagundu behar den merkataritza-jarduerarekin:
1. Energia-hornikuntzako gastuak, telekomunikabide-zerbitzuak (telefonoa, Interneta) eta aseguruen primak.
2. COVID-19ari lotutako diru-laguntzetarako aholkularitza eta kudeaketa zerbitzuak kontratatzetik eratorritako gastuak txikizkako merkataritza-enpresetan, gehienez 150 €.
3. Merkataritza-jarduera babesteko eta dinamizatzeko jarduerak errazteko asmoz ondorengo berpizte eta berraktibazio faseetan, tokiko, eskualdeko, probintziako eta euskal merkataritza-elkarteetarako afiliazio-kostuak, 2020ko martxoaren 14 etatik 2020ko abuztuaren 31ra arte.
* Inolaz ere ez da kontuan hartuko gastu gisa fakturetako Balio Erantsiaren gaineko Zerga (BEZ) .
* Ez dira onartuko gastuak, zeinen zenbateko garbia, BEZa kenduta, 100 euro baino gutxiago direnean.
