Valladolideko espetxera hurbilduko dute Balbino Saenz euskal preso antxotarra
Valladolideko espetxera hurbilduko dute Balbino Saenz euskal preso antxotarra, COVID-19ak eragindako larrialdi egoerak baimentzen duenean.
Balbino Saenz antxotarra. Argazkia: Efe. Espainiako Espetxe Instituzioetako Idazkaritza Orokorrak jakinarazi du lau euskal preso Euskal Herritik gertuago dauden espetxeetara hurbilduko dituztela COVID-19aren izurriak sortutako osasun baldintzek horretarako bidea dutenean. Horietako bat Balbino Saenz Balbi antxotarra da. Julen Atxurra, Asier Mardones, eta Asier Rodriguez ere Euskal Herritik hurbilago dauden espetxeetara eramango dituzte.
Saenz, zehazki, Valentzia IIItik (Herrialde Katalanak) Valladolidera (Espainia) eramango dute. Valentziako presondegia Antxotik 600 bat kilometrora dago (5 ordu eta 45 minutuko bidaia autoz). Valladolideko presondegia, berriz, Pasaiatik 353 kilometrora dago (3 ordu eta 40 minutuko bidaia autoz).
