Xanistebanak bertan behera uztea erabaki du Jai Batzordeak
Jexux Leonet alkateari Oiartzun Irratian egin diote elkarrizketan eman du albistea: aurten ez herriko festarik ospatuko. Kultur agenda eskaintzeko lanean ari dira.
Jende pilaketak ekidin nahi dituzte. Jexux Leonet alkatea elkarrizketatu dute gaur eguerdian, Oiartzun Irratiko Udalaren Tartea-n. COVID-19ak sortutako egoerari errepasoa eman dio, eta udalak hartutako erabakien berri eman du. Elkarrizketa bukaeran aurreratu du albistea: aurten ez da xanistebanik ospatuko.
Xanistebanetako Jai Batzordea atzo arratsean bildu zen. Batzordea osatzen duten elkarteek erabaki zuten aurten ez dela festarik ospatuko. Festen ordez, uztailean eta abuztuko kultur eskaintza indartzeko lanean ari direla jakinarazi du alkateak.
Jai Batzordeko kideen “heldutasuna” eta “ardura” txalotu ditu Leonetek. “Ziurrenik beraiek dira erabaki horrek pena handiena ematen diena”, nabarmendu du. Iragarri duenez, bihar erabakiaren gaineko zehaztasun gehiago emango ditu Oiartzungo Udalak, komunikatu baten bitartez.
