Arditurriko meategiak bisita daitezke larunbatetik aurrera
Parketxea pasa den astean ireki zuten, eta meategia asteburuan irekiko dute. Bisita egiteko, aldez aurretik egin beharko da erreserba.
Larunbatean bueltatuko dira bisita gidatuak Arditurriko meategietara. Pasa den asteko asteazkenean ireki zutne parketxea, eta mende luzez ustiatutako barrunbeak bisitatzeko aukera egongo da.
Oinarrizko bisita izango da eskainiko dutena. 200 metroko pasarela bat zeharkatzen da bisitaldi horretan eta iluminazioak zein soinuek paper garrantzitsua dutela ziurtatu dute arduradunek.
Aurretik erreserba egitea nahitaezkoa izango da. Arditurri parketxera edota Errenteriako Turismo bulegora deitu beharko da. Honakoak dira telefono zenbakiak: 943 49 50 69 (Arditurriko parketxea) edo 943 49 45 21 (Errenteria-Oreretako Turismo Bulegoa).
Bisitaldian, COVID-19aren kontrako neurriak hartuko dituzte. Talde txikietan ibiliko dira, segurtasun distantziak mantenduta. Horrez gain, eskuak garbitzeko gel hidroalkoholikoa eskainiko dute bertan. Musukoari dagokionez, bakoitzak berea eraman beharko du.
