Udako kultur eskaintza prestatzen ari dira, festen hutsunea betetze aldera
Xanistebanak bertan behera utzi direla eta, kultur eskaintza eskaini nahi du udalak. Herriko kultur eragileei lehentasuna emango diete.
Astartean egin zuten Xanistebanetako Jai Batzordeak. Xanistebanetako Jai Batzordeak herriko festak bertan behera uztea erabaki zuen pasa den asteartean. 22 eragile elkartu ziren udaletxeko pleno aretoan egin zuten bileran. Herriko eragileek eta udalak aho batez onartu zuten xanistebanak bertan behera uztea. Segurtasun neurriak betetzeko bermerik ez dago.
COVID-19ak duen joera positiboa mantenduko balitz, kultur ekintzak berreskuratzen joango lirateke. “Normaltasunera itzultzeko pausoak eman behar dira. Kontrolatu daitezkeen ekintzak eta zerbitzuak hasiko dira udan, betiere prebentzio neurriak beteta”, adierazi du udalak.
Udala udarako kultur eskaintza antolatzen ari dela jakinarazi du. Helburuetako bat kultura sektorean COVID19ak eragin duen krisiari aurre egitea izango da. Herritarrek osasun neurri guztiekin gozatu ahal izateko moduko ekitaldiak izango dira.
Horregatik, aforo mugatua izango dute ekimenek —Done Eztebe plazan, eta jende pilaketak saihestuz— eta egunez izango dira. Herriko kulturgileak eta eragileak izango dira protagonista.
