Auzoko festak ez ospatzea erabaki dute
Auzoetako jai batzordeek eta udalak egindako bileran erabaki dute auzoko festak bertan behera, segurtasuna bermatu ez dela iritzita.
![arraguako festak 2020](https://oarsoaldea.hitza.eus/site/files/2020/06/97998303_249586289612904_2002522411496374272_o-500x313.jpg)
Arraguako festak leiho eta balkoietan ospatu behar izan zituzten [Arg.: Arraguako Jai Batzordea].
Astearte arratsaldean elkartu ziren auzoetako jai batzordeak eta Oiartzungo Udala. Erabaki garrantzitsu bat hartu zuten: auzoetako festak bertan behera uztea. Xanistebanen bidea jarraituko dute horrela.
“COVID19ak eragindako osasun-larrialdi egoerak auzoetako festak osasun segurtasun neurri guztiekin antolatzeko baldintzarik ez dagoelako hartu da erabaki hau”, esan dute. Jende pilaketak ekiditea da bertan behera uztearen helburua.