Errepresaliatuen korapiloa askatuko duten bidegile bila
Izan Bidea dinamika aurkeztuko du bihar Sare herritarrak. 12:00etan egin dute hitzordua Agirre Lehendakariaren plazan, eta herritar guztiak deitu dituzte parte hartzera.
Izan Bidea dinamika aurkeztuko du bihar Sare herritarrak. Nazio dinamika da Sarek abiatu duena, eta errepresaliatuen egoerari irtenbidea emateko urratsak kilometro bihurtu dituzte, Hori da zehazki helburua, Euskal Herriak dituen biztanle adina kilometro egitea, 3.127.326, biztanle bakoitzeko kilometro bat, xede bakarrarekin: bidea egitea, etxerako bidea, elkarbizitzarako bidea, bakerako bidea.
Kilometroak bakarka, taldeka, familian… bizikletan, oinez, igerian, korrika, arraunean, patinetan… nahi den moduan, nahi diren bezain beste urrats edo kilometro, dinamikari ekarpena egiteko. Pausu bakoitza ale bat da.
Oreretako sei euskal preso daude une honetan Sare Herritarrak eman dituen datuen arabera: Mikel Arrieta Llopis, Eider Perez Aristizabal, Juan Manuel Inziarte Gallardo, Jesus Mari Etxeberria Garaikoetxea Goierri, Xabier Goienetxea Iragorri, eta Aitzol Gogorza Otaegi.
Arrieta eta Perez Aristizabal Algeciraseko (Andaluzia, Espainia) espetxean daude etxetik 1.100 kilometrora; 1.000 kilometrora aurkitzen da Goierri ere Cadizko Puerto III espetxean; Inziarte Topas (Salamanca, Espainia) espetxean dago, 470 kilometrora; eta Goienetxea Okzitaniako Mont de Marsan espetxean aurkitzen da, etxetik 140 kilometrora. Gogorza, berriz, etxean dago preso. Sei presoen artean 3.630 kilometro batzen dituzte.
Arrieta eta Gogorzak sendaezinak diren gaixotasun larriak dituzte.
12:00etan egin dute hitzordua Agirre Lehendakariaren plazan, eta herritar guztiak deitu dituzte parte hartzera.Parte hartzaileei osasun atea segurtasuna bermatzeko maskara eramateko eskatu diete.
