Antxoko Topaguneak ezohiko San Ferminetarako egitaraua argitaratu du
Jai guneak "egitarau xume bat" prestatu du antxotarrek segurtasunez disfruta dezaten 2020ko jaietaz.
Nahiz eta Pasaiako barruti guztietako jaiak udalaren esanez bertan behera gelditu ziren, ezohiko egoera honetan osasun eta segurtasun neurriak bermatzea ahalbidetzen duen egitaraua prestatu du Antxoko Topaguneak 2020ko San Ferminetarako. COVID-19a dela eta, taldeak aitortu du ezingo dela jairik ospatu “ohiko moldean”, baina agintaritzak xedatutako osasun neurriak betetzeko aukera ematen duten hainbat ekintza proposatu dituzte:
Hilak 3, ostirala
- 20:00etan Balbi Antxora kalejira + topa
Hilak 4, larunbata
- 10:00etan Molinaora martxa neurtua
Hilak 5, igandea
- 12:00etan zumba frontoi zaharrean
- 12:30ean II. Azeituna hezur jaurtiketa Zumardian
Hilak 6, astelehena
- 18:30 bertso saio musikatua Ibaiondon (ikus aurkezpen bideoa behean). Bertsolariak: Ane Labaka, Beñat Gaztelumendi, Miren Amuriza eta Nerea Ibarzabal. Musikariak: Gari Otamendi eta Araitz Bizkai. (Aurretik izena eman beharko da)
Hilak 7, asteartea
- 17:00 Mus eta partxis txapelketak Ibaiondon
- 20:00 Egunean Behin finala Ibaiondon
Informazio gehiago Antxoko Topagunearen Instagrameko kontuan.
