Pasaiako Udalak bat egin du Euskaraldiaren bigarren edizioarekin
Alderdi guztiek eman zioten baiezko botoa Euskaraldiarekin bat egitearen proposamenari. Hamar puntu izan zituen, guztira, atzoko plenoak.
Atzoko ohiko udalbatzarraren argazkia. 
Atzo, ekainak 30, egindako ohiko udalbatzarrean eragile guztiek euren adostasuna agertu zuten Euskaraldiaren bigarren edizioarekin bat egiteko proposamenaren aurrean. EH Bilduko zinegotzi den Iraitz Pazosek, neurria babestearen garrantzia azpimarratzearekin batera, adierazi zuen “gustatuko litzaigukeela bermatzea udalaren espazio guztietan denok euskaraz hitz egiteko aukera badagoela”.
Bileran beste hainbat gairi eman zitzaion baiezkoa, honakoa izan zen zerrenda osoa:
- 1.- Xedapen ofizialak eta Alkatetzaren eta zinegotzi ordezkarien ebazpenen berri ematea (2020/02/20 datako ebazpenetatik 2020/06/16 datako ebazpenetara).
Ogasuna
- 2.- Pasaiako Udal Egoitzako kreditu aldaketa onartzea (2020/01).
- 3.- Behin-behineko onarpena zerga ordenantzen aldaketari.
- 4.- Kreditu aldaketen berri ematea.
Euskara
- 5.- Euskaraldiaren 2. edizioarekin bat egitea.
Pertsonala
- 6.- Giza Baliabideak Arrazionalizatzeko Programa: erretiro aurreratuari buruzko primak.
- 7.- Onespena ematea Giza Baliabideak Arrazionalizatzeko Programari, Pasaiako Udaleko karrerako funtzionarioei zuzendutakoa.
- 8.- Onespena ematea Pasaiako langileen lan-baldintzak hobetzeari: gurasotasun baimenak.
Trafiko eta hiri mugikortasuna
- 9.- Hasierako onarpena ematea Bide publikoan terrazak eta mahaitxoak jartzeko Udal Ordenantza Arautzailearen aldaketari.
- 10.- Galde-eskeak.
