Judo eta defentsa pertsonaleko ikastaroa Lezon
Ikastaroa 14-17 urte bitarteko gazteei zuzenduta dago, Iñaki Rodero irakaslearen eskutik
Iñaki Rodero, ikastaroaren irakaslea. Argazkia: Mayumi Irun Judo Club COVID-19ak eragindako krisia dela eta, bertan behera gelditu dira uda honetan egin behar ziren aktibitate asko. Lezoko Udalak, normaltasun berrian hartu beharreko segurtasun neurri guztiak hartuta, judo eta defentsa pertsonaleko ikastaroa antolatu du uztailerako kale hezitzaileen bitartez.
Tailerra 13-17 urte bitarteko gazteei zuzenduta dago, eta lau saioz osatuta egongo da. Iñaki Rodero izango da irakaslea, psikologian lizentziatua eta judoan gerriko beltza. Ikastaroa judo eta defentsa pertsonaleko munduan hasieratik sartzeko baliogarria izango denez, ez da beharrezkoa izango aldez aurretiko ezagupenak edukitzea.
Uztailaren 9an emango zaio hasiera ikastaroari, ostegunero 10:30tatik 12:30ra arte. Goiko frontoi alboan dagoen plaza izango da klaseak emateko lekua. Segurtasun neurriak bermatzeko asmoarekin, ikasleen kopurua 15 pertsonakoa izango da gehienez, eta musukoa ezinbestekoa izango da.
Interesdunek hilaren 8ko 18:00ak arte izango dute izena emateko aukera, helbide elektroniko honetara idatzita. Informazio gehigarria 662 56 83 63 telefonoan.
