Zirku tailerra egingo dute Elorsoron, datorren astean
Xomorro taldeak zirku tailerra eskainiko du hilaren 8tik 10era. 10 eta 16 urte arteko haur eta gaztetxoei zuzenduta dago.
Zirkuetako teknikak ikasiko dituzte datorren astean.
Xomorro taldeak zirku tailerra antolatu du datorren asterako. Elorsoro kiroldegian egingo dute, hilaren 8tik 10era —asteazkenetik ostiralera—. Saio bakoitza hiru ordukoa izango da, eta 16:00etan hasi eta 19:00etan bukatuko dira.
2004 eta 2010 urteen artean jaiotako haur eta gaztetxoei zuzenduta egongo da tailerra. 50 euroko prezioa izango du ikastaroak. Izena emateko, Xomorro taldearen e-posta helbidera idatzi beharko da.
