Foru suhiltzaileek Pasaiako Portuan esku hartu ahal izango dute
Foru Aldundiak Pasaiako Portuarekin sinatutako hitzarmenari esker, foru suhiltzaileek portuan gertatzen diren larrialdiei aurre egin ahal izango diete.
Pasaiako Portua. Artxibo irudia. 
Eider Mendoza, Gipuzkoako Foru Aldundiko bozeramaileak, gaur goizeko prentsaurrekoan adierazi duenez, Aldundia eta Portuko Agintaritza akordio batera heldu dira foru suhiltzaileei kaiaren barrutian eskumena aitortzeko. Hitzarmen honi esker, suhiltzaileek aurre egin ahal izango diete portuko larrialdiei, “suteak itzali, erreskateak zein sorospenak egin eta funtsezko zerbitzuak berrezartzea” euren gain hartuz.
Mendozak honelako akordioen balioa azpimarratu nahi izan du, izan ere, “Pasaiako Portua, Gipuzkoarentzat, berebiziko garrantzia duen azpiegitura” baita. Honekin, Aldundiak erakundeekin elkarlanean jarraituko duela jakinarazi nahi izan du “elkarren mesedetan eta, hedapenez, Gipuzkoaren mesedetan”.
