Lezoko kiroldegian 4.829 lagunek eman ahal izango dute botoa, igandean
Datorren igandean (hilak 12) izango diren EAEko Hauteskundeetan, 4.829 lezoarrek botoa emateko aukera izango dute. Hori egiteko, aldaketa bat egongo da aurten: Hauteslekua kiroldegira lekualdatu dute.
Datorren igandean (hilak 12) izango diren Eusko Legebiltzarrerako Hauteskundeetan botoa eman ahal izango dute 4.829 lezoarrek, martxoaren 1eko errolda-datuen arabera. Horretarako, herritarrak kiroldegira hurbildu beharko dira, hura izango baita aurten bozka emateko gunea. Udalak aditzera eman zuenez, kiroldegiko pista da osasun eta segurtasun neurriak hobekien bermatzea ahalbidetzen duen eremua eta, hortaz, bertara lekualdatuko da, aurten, hauteslekua.
Orain dela lau urte izan ziren EAEko hauteskundeetan 4.785 lagun zeuden erroldan izena emanda. Honako hauek izan ziren 2016ko emaitzak, Lezon:
- EH Bildu 1.154 (%41.95)
- EAJ 713 (%25,92)
- ELKARREKIN PODEMOS 484 (%17.59)
- PSE-EE 238 (%8.65)
- PP 88 (%3.20)
- C’S 38 (%1.38)
- GANEMOS 16 (%0.58)
- ATTKAA 16 (%0.58)
- PFYV 3 (%0.11)
- LN 1 (%0.04)
Beste datu batzuk:
- Parte-hartzea %58.16 (2.783)
- Abstentzioak %41.84 (2.002)
- Baliogabeak %0.25 (7)
- Boto zuriak %0.9 (25)
