Azken hilabetetan indarrean dauden arauak errespetatzera deitu du Burusoilen Elkartearen zuzendaritzak
Sare sozialetan zabaldu du mezu-eskaera hori, ospatuko ez diren madalenen hurbiltasuna dela eta.
Burusoilen elkarteko pankarta bat. Arduraz, zentzudun jokatzea eta azken hilabeteetan COVID-19arengatik ezarritako osasun eta higiene neurriak zorrotz betetzera deitu ditu herritarrak Burusoil Elkartearen zuzendaritza batzordeak. Sare sozialetan zabaldu du mezu-eskaera hori, ospatuko ez diren madalenen hurbiltasuna dela eta: “Egungo osasun egoera kontuan hartuta, eta jendea familiarekin edo lagunekin bazkaltzera eta tragoren bat hartzera joango dela jakinik, azken hilabeteetan ikasitako arauak eta segurtasun distantziak errespetatzea eskatu nahi diegu herritarrei. Zumardia, Musika plaza, Diputazio plaza Niessen… nahiko zabalak dira, terraza batean lasai eserita trago bat hartu ahal izateko distantziak gordez”.
Inguruetako herrietan “ikusi dena gerta ez dadin” Errenteria-Oreretan, eta egoerak hala eskatuko balu kalean paseatzeko maskara jantzita eramatea gomendatu du, gainera, Burusoilen elkarteko zuzendaritza batzordeak, “eta birusa ahal den neurrian zabaltzea ekiditeko. Gure esku dago”.
