Erakundeek Donibaneko saneamendua "abandonatuta" dutela salatu du Eguzki taldeak
Donibaneko saneamendurako 2007an hasitako prozesuan "erakundeen ez betetze etengabea" nagusi izan dela adierazi du Eguzki taldeak. EAJ eta PSEk gaiaren aurrean izandako gardentasun eza salatu dute.
2019an Donibaneko saneamenduaren gaia jorratzeko egindako bilera. 
Donibaneko azpiegituren saneamendua 2007-2011 urte tartean egiteko aurreikuspena jaso zen Gipuzkoako Azpiegitura Hidraulikoak Eraikitzeko Esparru Akordioaren barruan. Egun, oraindik, obrak esleitu gabe jarraitzen duela eta proiektuaren behin-betiko planaren inguruan “zalantzak” daudela salatu du Eguzki, Euskal Herriko talde ekologista eta antinuklearrak.
Taldeak iragarri du EAJ eta PSE alderdiak “jokatzen” ari direla auzotarrek ingurumen seguru eta osasuntsua izateko duten eskubidearekin. Talde politikoek gaiaren aurrean izandako gardentasun eza salatu nahi izan dute gaur hurrengo hitzekin: “Ez-betetzeaz igarotako 13 urteren ostean, 2020ko uztailean, inprobisazioa eta azpiegitura horri heltzeko borondaterik eza dira alderdi horien benetako DNA”.
