[Galeria] Kultur gosea ederki asetzen ari dira Oiartzunen
Kulturabirusa dinamikaren barruan, hiru emanaldi batean ikusteko aukera izan dituzte oiartzuarrek: 'Hiru biñaka'. Hasierako plana pixka bat aldatu da.
Kultur gosea zegoen Oiartzunen, eta gaur arratsaldean nabaritu da. Kulturabirusaren dinamikaren barruan, Hiru biñaka zirkuitua egin dute.
Kaskoko hiru txokotan, beste hainbeste emanaldi ikusteko aukera egon da, formatu txikian. Publikoa izan da aldatu dena. Kaskazuri plazan, Maider Zabalegik, Gorka Urra eta Santi Romanorekin batera, bere errepertorioari errepasoa eman dio. Ordu laurdeneko kontzertua eskaini du, hori baitzen artista guztiek izan duten denbora.
Edurne Agirrezabalak, berriz, bakarrizketa eskaini du duela gutxi estreinatu den Arizmendi-Eneko lorategiko agertokia. Bere seme Unairekin duen belaunaldi arteko talka kontatu du… umore tonekin monologorekin.
Ekitaldi aterpetuena Jon Martinek, Iker Laurobak eta Ane Narbartek eskaini dute, Nork ostu dit apirila? ikuskizunarekin. Laurobak eta Martinek kantatzen zuten bitartean, Narbartek bertsoekin lotutako koadroa margotu du.
Aurreko astean hasi zen Kulturabirusa, eta orain arteko ekitaldiek arrakasta polita izan dute. Bihar, familia plana egingo dute goizean, mendi martxa kronometratuarekin. Arratsaldean, 19:30ean, Mirari Martiarenak eta Idoia Torregaraik Bakean dagoena bakean utzi bakarrizketa saioa eskainiko dute, Arraguako pilotalekuan. Turismo bulegoan eskuratu beharko dira sarrerak.
Kulturaren birusak hedatzen jarraitzen, inork ezingo baitu ostu sortzaileen lanekin gozatzeko gogoa.
