Oiartzungo bikote bat aurrera, itzuli berri den pala txapelketan
Hamahiru partida jokatu dituzte Madalensoro pilotalekuan, osasun neurriekin. Bihar eta etzi beste hamahiru partida jokatuko dituzte.
Zutik, Lekuona, Zapiain, Toledo epailea, Gomez eta Arana. Makurtuta, Getaria, Bela, Agirre eta Mendigain. Hiru hilabete luze pasatxoko geldialdiaren ondoren, Euskal Herriko Pala Txapelketa Irekia pasa den asteburuan bueltatu zen, hamahiru partidarekin. COVID-19aren kontrako neurriak hartu zituzten.
Oiartzungo bi bikote kantxan aritu ziren, eta txanponaren bi aldeak ezagutu zituzten. Emaitza positiboa Aritz eta Enekoitzek lortu zuten; erraz irabazi zieten (25-10) Unsuain eta Fierrori. Beste partidan, Getariak eta Velak galdu egin zuten (9-25) Agirre eta Mendigainen aurka. Ondorioz, txapelketatik kanpo gelditu dira.
Gainontzeko partidei dagokienez, orokorrean joko polita ikusteko aukera egon zen. Bihar eta etzi artean beste hamahiru partida jokatuko dituzte (hemen ikus daiteke kartelera). Pasa den asteburuko emaitzak honakoak izan ziren:
Hirugarren Maila
- Aritz – Enekoitz / Unsuain – Fierro: 25-10.
- Agirre – Mendigain / Getaria – Vela: 25-9.
- Ferreiro – Goñi / Zurutuza – Manterola: 17-15.
- Ituarte – Manzisidor / Vitoria – Vitoria: 25-14.
- Vicente – Arizabalo / Sonia – Ginea: 11-25.
- Alegria – Esoain / Mikela – Zelaia: 25-15.
Bigarren Maila
- Mitxelena- Luarizayerdi / Ormazabal – Muñoa: 16-25.
- Arana – Gomez / Zapiain — Lekuona: 13-25.
- Salegi – Matxain / Luixa – Luluaga: 25-18.
- Muñiz – Gametxo / Garbisu – Martinez: 22-25.
Lehen Maila
- Salaberria – Huegun / Arriaga – Unda: 25-22.
- Urrutia – Madariaga / Elejalde – San Miguel: 18-25.
- Aizpurua – Bikutze / Txoperena – Gastesi: 20-25.
