Komertzioak herriko sortzaileen erakusleiho izango dira
Bihar hasiko da 'Erakusleiho ARTEan' erakusketa. Herriko hamabost sortzailek herriko hamalau establezimendutan erakutsiko dituzte beren lanak.
Ariane Errandoneak bere collageak jarri ditu Txintostan ile apaindegian. Kulturabirusaren egitaraua bere bidea egiten ari da. Gaur arratsaldean familientzako plana egin dute Alaiartekin, eta bigarren ekitaldia kutxa menstrualak egitea izan da.
Bihartik aurrera, Erakusleiho ARTEan erakusketa kolektiboa hasiko da. Hilaren 31ra arte, herriko hamalau komertzio edota txokotan hamabost sortzaileren zein haurren lanak ikusteko aukera egongo da. Hilaren 24an, gainera, Eider Bergaretxek ibilaldi gidatua eskainiko du; lehena 12:00etan izango da, eta bigarrena, 17:30ean.
Erakusleiho ARTEan
- Turismo bulegoan: Miren Idarretaren margolanak; Ainara Lasaren argazkiak; eta Alaiarten eskultura eta ilustrazioak.
- Azkarren: Uxue Flamariqueren marrazkiak.
- Oskarbin: Belen Morenoren eskulturak, ilustrazioak eta foto irudiak.
- Kinkilan: Idoia Beratarbideren eskulturak.
- Numai zentroa: Ane Narbarteren marrazkiak.
- Killikupen: Onintza Etxebesteren argazki instalazioa.
- Txokolategian: Oskar Zapirainen argazkiak.
- Uriñan: Iosu Mitxelenaren marrazkiak.
- Marisolen: Iratz Inziarteren marrazkiak eta bolumena.
- Garbiñe estetikan: June San Sebastianen marrazkiak.
- Txintxostan: Ariane Errandonearen collageak.
- Orratzen: Allende Arnaizen argazki instalazioa.
- Zumitzen: Udane Ansaren marrazkiak eta oihal estanpatuak.
- Ludotekan: Haurrek Kolore Festa tailerrean sortutako lanak.
Beste ekitaldiak
Gaurko jarduerak eta bihar hasiko den erakusketa ez dira astebururako plan bakarrak. Turismo bulegoan har daitezke ekitaldietan parte hartzeko txartelak.
Bihar
- 19:00: Hiru biñaka zirkuitu ibiltaria (Arizmendi lorategian, Ibargain parkean eta eliza ondoan):
- Alaia Martin eta Ainara Lasa.
- Izar Aizpuru eta Alaia Gaztelumendi.
- Eneko Gil eta Hatxe.
Etzi
- 10:30/11:15/12:00/12:45: Pasta tailerra (Karrikako frontoian).
- 18:30: Oiartzungo Flauta Taldearen eta Bi Bemolen kontzertua (Arizmendi lorategian. Eguraldi txarrarekin: udaletxeko areto nagusian).
