Asanblea deitu dute gaur, San Pedron, Ondartxo bidea zabal dezaten
Pasa den ostiralean egin zen manifestaldiarekin hasitako bideari "jarraipena emateko asmoz", batzarra deitu dute gaur, 20:00etan, Herriko Plazan. Herritarrak deialdiarekin bat egitera animatu dituzte.
Aurreko asteko ostiralean egindako manifestaldiko argazkia. 
Pasa den asteko ostiralean ehunka sanpedrotarrek egin zuten bat “manifestaldi zaratatsuarekin”. Orduan, puntetarako eta farorako pasealekua zabaltzeko eskaera luzatu zuten, beste behin, herritarrek. Aldarriari jarraipena emateko asmoz, asanblea bat deitu dute gaur, asteartea, Herriko Plazan. Bilkura 20:00etan izango da, eta herritarrak animatu nahi izan dituzte topaketarekin bat egitera, “udalaren utzikeriaren” aurka borrokatzen jarraitzeko.
Erlazionatutako edukia[Galeria] Puntetarako eta farorako bidea zabalik nahi dute sanpedrotarrekManifestazio “zaratatsua”, ostiralean, puntetarako eta farorako bidea zabal dezatenHerri batzarra deitu dute San Pedron, puntetarako eta farorako bidea irekitzeko
