Alabortza senadia garbituko dute igandean
Mater Museoak iragarri du Alabortza senadiaren garbiketa egingo dela, igande honetan, 11:00etan hasi eta 13:00ak arte. Nahi duen oro batzeko gonbita luzatu dute.
Alabortza senadiaren garbiketa. Artxibo irudia. 
Mater Museoak Pasai Donibaneko Alabortza senadia garbitzeko bilkura antolatu du igande honetarako (hilak 26). 11:00etan bilduko dira, senadian bertan, eta 13:00ak aldera amaitzea espero dute.
Alabortzan zabor pilaketa handiak egon dira azken asteetan, bereziki asteburuetako jende pilaketen ostean; horregatik, inoiz baina garrantzitsuagoa da, igande honetan, jendeak bat egin dezan garbitzeko iniziatiba horrekin. Aurretik izena eman beharko da, 619 81 42 25 telefonora deituz, edo mezu bat idatziz Museoaren helbide elektronikora.
