[Galeria eta bideoa] Xanistebanik egon ez arren, kaleak girotu dituzte oiartzuarrek
Egun handia izan ohi da gaurkoa Oiartzunen, nahiz eta osasun larrialdi krisiak eraginda, festarik ez ospatzea erabaki dute aurten udalak eta Jai Batzordeak.
Ez-festak ospatu dituzte aurten Oiarztunen. Ezohiko Xanisteban Eguna dute aurtengoa Oiartzunen. Koronabirusak eragindako egoera dela eta, festak ez ospatzeko erabakia hartu zuten Oiartzungo Udalak eta Jai Batzordeak. Hala ere, Kulturabirusaren agendaren barruan ez dute gaurko eguna ezerezean utzi nahi izan, eta goizeko 11:00etatik aurrera auzoak girotu dituzte kalejiren bitartez. Giroa lasaia izan da eta osasun neurri guztiak beteta igaro da goiza.
Hortaz, aurten festarik egon ez arren, Kulturabirusaz kutsatzera deitu dute udalak eta eragileek, eta hil honetarako aurreikusitako ekitaldiekin bat egitera animatu nahi izan dituzte herritarrak. Bertan kontsulta daiteke egitaraua.
Ondokoa da goizak utzitako irudi sorta eta bideoak:
