Martxan da berriz ere Alabergako igogailua
Matxura garrantzitsu baten ondorioz hainbat astez geldirik egon da igogailua. Mantenua bermatzeko baldintzak ezarri arren, atzerapena ekiditea ezinezkoa izan dela erantsi du udalak.
Alabergako igogailua normaltasunez dabilela berriz ere jakinarazi du udalak. Alabergako igogailua ostiraletik dago martxan berriz ere. Hala ezagutarazi du Errenteriako Udalak komunikabideetara igorritako oharrean. Orain dela aste batzuk matxuratu zen igogailua, eta hori konpontzeko ezinbesteko piezak fabrikatu beharrak konponketa atzeratzea eragin du.
Hori horrela, mantenuaz arduratutako enpresari kontratu bidez finkatutako irizpideen artean epeak eta denborak zehazten direla jakinarazi du udal gobernuak, «konponketak ahalik eta azkarren egin daitezen». Hala eta guztiz ere, kasu honetan atzerapena «ekidinezina» izan dela argudiatu du, eta ondorioz, matxura «nahi baino gehiago luzatu» dela argitu du gobernu taldeak.
