Izarretara begira jarriko dira ostiralean Listorretan
Jesus Arregi astronomoak gidatuko du saioa, eta izarrak zein konstelazioak haren eskutik hobeto ezagutzeko aukera izango da.
‘Zerura begira’ Listorretan jardueraren kartela.
Izarretara begira izenpeko jarduera garatuko dute hilaren 21ean, ostiralarekin, Listorretan. Jesus Arregi astronomoaren gidaritzapean, eguzki-sistema, espazioa, izarrak eta konstelazioak ezagutzeko aukera izango dute interesdunek.
Parte hartzeko interesa duten lagunek erreserba egingo beharko dute 943 49 50 69 edota 688 89 50 68 telefono zenbakietan, edo ondoko posta elektronikoan. Jarduera 21:00ak eta 23:00ak bitartean garatuko dute, eta Listorretako etxola finkatu dute horretarako abiapuntu. Linterna eta lurrean etzateko toalla edo estera eramatea gomendatu dute.
